Россиялик сайёҳатчиларнинг Ўзбекистонга ташрифи 20 фоизга ошди
Россиялик сайёҳатчиларнинг 2022 йилда Ўзбекистонга ташриф ҳажми 20 фоизга ошди. Туристлар асосан Самарқанд, Бухоро ва Хива шаҳарларини афзал кўришмоқда
Россиялик сайёҳатчиларнинг Ўзбекистонга ташрифи 20 фоизга ошди. Бу ҳақда Риа Новости хабар берди.
Маълум қилинишича, Россия Туроператорлари Ассоциацияси (АТОР) ижрочи директори Мая Ломидзе сўзларига кўра, Россия фуқаролари МДҲ давлатлари ичида Ўзбекистонга боришни кўпроқ афзал кўришмоқда.
2022 йил давомида россиялик сайёҳатчиларнинг Ўзбекистонга ташрифи 20 фоизга ошди. Бу МДҲ мамлакатлари орасида етакчи ҳисобланади.
«Агар 2021 ва 2022 йил таққосланадиган бўлса, бу камида 20 фоизни ташкил этади», деди Ломидзе.
Шунингдек, Ломидзе фикрича, россияликлар асосан Самарқанд, Бухоро ва Хива шаҳрига саёҳатни афзал кўрмоқда.
Ўзбекистон Давлат статистика қўмитаси маълумотларига кўра, 2022 йилнинг январь-сентябр ойларида Россиядан келган сайёҳлар сони 2021 йил якунларига нисбатан икки баравар кўпайиб, 395,1 минг кишига етган.
