SpaceX 34 та Starlink сунъий йўлдошини фазога учирди
SpaceX компанияси 11 сентябрь куни 34 та сунъий йўлдошга эга Falcon ракетасини фазога учирди. Бу 2019 йилдан буён амалга оширилган эллик олтинчи парвоз ҳисобланади.
SpaceX 34 та Starlink сунъий йўлдошига эга ракетани учирди. Бу ҳақда компания расмий саҳифасида маълум қилинди.
SpaceX компанияси 11 сентябрь куни 34 та сунъий йўлдошга эга Falcon ракетасини учирди. Жараён SpaceX сайтида тўғридан тўғри трансляция қилинди. Бу 2019 йилдан буён Starlink сунъий йўлдошларининг коинотга 56-парвози ҳисобланади. Фазода компанияга тегишли 2,5 мингта қурилма мавжуд.
Парвоз маҳаллий вақт билан 21:20 да Флоридадаги Кеннеди космик марказидан амалга оширилди. Falcon-9 қуйи ер орбитасига кириб, 34 та Starlink ва AST Space Mobile BlueWalker 3 сунъий йўлдошини ишга туширади.
Маълумот учун, Starlink Интернет мавжуд бўлмаган ёки қиммат бўлган жойларда кенг полосали сунъий йўлдош алоқасига уланишга ёрдам берадиган тизим ҳисобланади.
Компаниянинг таъкидлашича, тармоқ 1 ГБ/с (5G стандарти) тезликда Интернетга киришни таъминлайди. Компания дастлаб 12 минг сунъий йўлдошни ўз ичига олиши режалаштирилган. Бироқ 2019 йилда қўшимча 30 мингта қурилма ишга туширишга қарор қилинган.
Эслатиб ўтамиз, SpaceX 2022 йилнинг июнь ойида 53 та сунъий йўлдошни фазога олиб чиққанди.
Шунингдек, 2022 йилнинг август ойида яна 46 та Старлинк сунъий йўлдоши учирилган.