Squid Game сериалига асосланган криптовалюта нархи нолга тушди
Криптовалюта нархи 99,9 фоизга пасайди
Бир ҳафта ичида 0,01 доллардан 2,8 минг долларга кўтарилган Squid Game альткоинининг нархи «қулади». РБКнинг ёзишича, эндиликда лойиҳанинг ижтимоий тармоқлардаги саҳифалари ва веб-сайти мавжуд эмас.
Coinmarketcap маълумотларига кўра, Squid Game сериалига асосланган криптовалюта нархи 99,9 фоизга тушиб, 0,008 долларни ташкил қилмоқда. Токен нархи ўтган ҳафтада 0,01 доллардан 2,8 минг долларгача кўтарилганди. Фойдаланувчилар ўз токенларини сота олмаган, бу эса курснинг ўсиши билан боғлиқ эди.
Ҳозирда лойиҳанинг ижтимоий тармоқлардаги саҳифалари ва веб-сайти мавжуд эмас. Криптовалюта шартномаси манзилига кўра, уни 40 мингдан ортиқ фойдаланувчи сотиб олган. Шу билан бирга, оқ қоғозда альткоинни сотиш мумкин эмаслиги ҳақидаги маълумотлар ёзилган.
Маълумот учун, лойиҳа раҳбарлари ноябрь ойида Squid Game сериалидаги ўйинларга ўхшаш 6 турдан иборат онлайн турнир ўтказилишини маълум қилганди.
Аввалроқ Squid Game сериалига асосланган криптовалюта чиқарилгани ҳақида хабар берилганди.