Telegram’да сотилган энг қиммат username аниқланди
Telegram раҳбари Павел Дуров эълон қилган аукционда айрим номлар млн доллар миқдорида сотилган. Кўпгина қимматбаҳо номлар бир хил одамлар томонидан харид қилинган. Харидорлар чексиз миқдорда номларни битта аккаунтга бирлаштира олади
Telegram’да username номларни сотиш бўйича ўтказилган аукционда нарх рекорди ўрнатилди.
Энг қиммат сотилган @news фойдаланувчи номи 994 минг ТОНга сотилган. Унинг нархи 1,76 миллион доллар.
Аввалги рекорд @auto тахаллусига тегишли бўлиб, 1,6 миллион долларга сотилган.
Фойдаланувчи номини унинг ҳисобида 20,9 миллион ТОН (тахминан 37,6 миллион доллар) бўлган фойдаланувчи сотиб олган. Бу фойдаланувчи @pasta, @pizza, @discount, @insurance ва бошқа номларга ҳам эга.
Маълумот учун, username номларини сотиш Fragment платформаси 27 октябрда ишга туширилди. Ҳозирча у сотувга фақат Telegramm’нинг ўзидан қўйилган ноёб номлар қўйилмоқда.
Машҳур фойдаланувчи номлари орасида @bank, @avia, @chat, @king киради.
