Tesla тўртинчи чоракда электромобиль етказиб бериш бўйича рекорд ўрнатди
Tesla тўртинчи чоракда 308 600 та, бутун йил давомида 936 172 та электромобиль етказиб берди.
Миллиардер Илон Маскнинг электромобиль ишлаб чиқарувчи Tesla компанияси 2021 йилнинг тўртинчи чорагида электромобиль етказиб бериш бўйича рекорд ўрнатди. Натижа таҳлилчилар кутганидан сезиларли даражада ошиб кетди, дея хабар беради CNBC
Маълум бўлишича, Tesla тўртинчи чоракда 308 600 та, бутун йил давомида 936 172 та электромобиль етказиб берган. FactSet томонидан тузилган консенсус прогнозига кўра, Уолл-стрит таҳлилчилари Tesla тўртинчи чоракда 267 000 дона ва 2021 йил давомида 897 000 дона етказиб беришини кутган. Ҳисобот даврида Tesla жами 305 840 дона тўлиқ электромобиль ишлаб чиқарган.
Тўлиқ йил давомида жўнатмалар 2020 йилга нисбатан 87 фоизга ошган. Кейинчалик Илон Маскнинг компанияси 499 647 дона автомобиль етказиб берилганидан ўзининг биринчи йиллик даромадини маълум қилди. 2021 йилнинг учинчи чорагида транспорт воситаларини етказиб бериш ҳажми 241 300 тага етди, бу Tesla тарихидаги энг яхши чорак ҳисобланади
Model S флагман седани ва Model X йўлтанламасини етказиб бериш Tesla’нинг 2021 йилдаги жами жўнатмаларининг 3 фоиздан сал камроғини ташкил этди. Model 3 ва Model Y етказиб бериш 2021 йилнинг тўртинчи чорагида 296 850 тани, бутун йил давомида 911 208 тани ташкил этди.
