Tesla’нинг энг тезкор электромобили Хитой бозорига 2022 йил чиқади. Супермодель ҳақида нималар маълум?
Янги электромобиль сотуви АҚШда 2021 йилнинг ёзида бошланган
Tesla асосчиси ва бош директори Илон Маск 1020 от кучига эга двигателли янги Model S Plaid’нинг Хитой бозорига қачон чиқиши мумкинлигини айтди. Миллиардер бу ҳақда ўзининг Twitter’даги саҳифасида ёзди.
«Эҳтимол, март ойида», деб ёзди миллиардер Twitter саҳифасида обуначиларидан бирининг саволига жавоб бериб.
CnEVPost’нинг ёзишича, Model S Plaid Хитойга 2022 йилнинг охирида, тартибга солувчи тасдиқдан кейин етказиб берилиши кутилмоқда. Model S Plaid’нинг нархи Хитойда 1 миллион 59 минг 990 юанни (166 минг доллар) ташкил қилади.
Маълумот учун, Илон Маск янги Model S Plaid’ни 2021 йил июнь ойида Калифорниянинг Фремонт шаҳрида тақдим этганди. Миллиардернинг айтишича, янги автомобиль «ҳар қандай Porsche’дан тезроқ ва ҳар қандай Volvo’дан хавфсизроқ бўлади».
Электромобиль умумий қуввати 1020 от кучига тенг бўлган 3 та электромоторга эга бўлиб, 96,5 км/соат тезликка 1,99 сонияда эришади. Машина 320 км/соат тезликка чиқа олади. Бу Tesla томонидан ишлаб чиқарилган энг тез оммавий электромобилдир.
Янги электромобиль сотуви АҚШда 2021 йилнинг ёзида бошланган.
Аввалроқ Tesla’нинг рақобатчиси Rivian капиталлашув бўйича Volkswagen’ни ортда қолдиргани ҳақида хабар берилганди.