Тошкентдан Токиога парвозларни амалга оширилиши бошланди
Тошкентдан Япония пойтахти Токиога парвозлар қайта тикланди. 2020 йилда мамлакатлардаги эпидемиологик вазият сабаб Ўзбекистон ва Япония ўртасидаги қатновлар вақтинчалик тўхтатилганди.
Тошкентдан Япония пойтахти Токиога парвозлар амалга оширилиши бошланди. Бу ҳақда Uzbekistan Airways матбуот хизмати хабар берди.
Маълум қилинишича, 2022 йил 18 август куни Uzbekistan Airways авиакомпанияси Тошкент – Токио – Тошкент йўналиши бўйича биринчи рейсни амалга оширган.
Boeing 767 ҳаво кемаси тонгда Нарита халқаро аэропортига келиб қўнган.
Авиакомпания Тошкент – Токио – Тошкент йўналиши бўйича парвозларни ҳафтада бир марта — пайшанба кунлари амалга оширади.
Элатиб ўтамиз, 2003 йилда Uzbekistan Airways авиакомпанияси ва Япония авиация маъмурияти ўртасидаги икки томонлама ҳамкорликни ҳисобга олган ҳолда, Япониянинг бошқа шаҳарларига ҳам қатновларни йўлга қўйишни кўриб чиқиш бошланганди. Япония ҳукумати рухсати билан Осакага парвозлардан ташқари, авиакомпания Нарита шаҳрига ҳафтасига икки марта рейсларни амалга ошира бошлаганди.
Бироқ 2020 йилда мамлакатлардаги эпидемиологик вазият, Ўзбекистон ва Япония ўртасидаги парвозларни амалга оширишга ўзгартиришлар киритди ва икки давлат ўртасидаги қатновлар вақтинчалик тўхтатилганди.