Toyota Россиядаги заводининг барча ходимларини ишдан бўшатади
Япониянинг Toyota автомобиль ишлаб чиқарувчиси 2022 йил охиригача Санкт-Петербургдаги корхонасининг барча ходимларини ишдан бўшатмоқчи
Япониянинг Toyota автомобиль ишлаб чиқарувчиси 2022 йил охиригача Санкт-Петербургдаги корхонасининг барча ходимларини ишдан бўшатади. Компания матбуот хизматига таяниб, «Интерфакс» маълум қилди.
Қайд этилишича, компания 14 ноябрь куни ишчиларни ишдан бўшатиш жараёнини бошлади. Ташкилий ва ходимлар фаолияти 2022 йил охиригача давом этади.
Хабарда айтилишича, сентябрь ойида ходимлар сони 2,35 минг кишини ташкил этди, ҳозирда филиал штатида 137 нафар ходим қолган.
Toyota сентябрь ойи охирида мамлакатда 15 йил ишлаган Санкт-Петербургдаги Шушари қишлоғида заводни ёпиш тўғрисида қарорга келган. Россияда ишлаб чиқаришни тўхтатишдан компаниянинг йўқотишлари тахминан 650 миллион долларни ташкил этган.