Twitter ойига 7,99 долларлик обунани ишга туширди
Бу янгиланиш фақат iOS’да мавжуд. Android тизимида эса бу хусусият ҳозирча ишга тушмади
Twitter тасдиқланганлик белгисига эга ҳисоблар учун ойига 7,99 долларлик обунани ишга туширди. Бу ҳақда «Коммерсанть» хабар берди.
Маълум қилинишича, App Store дўконида янгиланган Twitter Blue обунаси пайдо бўлди. Энди у кўк белгидан фойдаланиб, ҳисоб эгасининг шахсини текшириш имкониятини ўз ичига олади. Обуна нархи ойига 7,99 доллар. Twitter Blue фақат бир нечта мамлакатларда ишлайди.
«Бугундан бошлаб биз Twitter Blue’га ажойиб янги функцияларни қўшмоқдамиз. Агар ҳозир обуна бўлсангиз, Twitter Blue’ни ойига 7,99 долларга олинг», дейилади iOS янгиланишида. Android тизимида эса бу хусусият ҳозирча мавжуд эмас.
Twitter Blue обунаси аввал ҳам бўлган, лекин у текширишни ўз ичига олмаган ва 4,99 доллар турган. У фақат АҚШ, Канада, Австралия, Янги Зеландия ва Буюк Британияда ишлаган. Олдин ҳисобни текшириш функцияси бепул бўлиб, фақат «ҳақиқий, мазмунли ва фаол» ҳисоблар учун мавжуд бўлган.
Аввалроқ Twitterумрбод тақиқларни бекор қилиши ҳақида хабар берилганди. Компаниянинг ушбу қарорга келиши ҳақидаги сиёсати Илон Маск Twitter’ни 44 миллиард долларга сотиб олиш истагини эълон қилганидан кейин бошланганди.
