Twitter раҳбарияти бир неча ойдан бери платформа қоидаларини бузганлик учун жазони юмшатиш вариантларини муҳокама қилмоқда, деб ёзади Financial Times.

Қайд этилишича, компаниянинг ушбу қарорга келиши ҳақидаги сиёсати Илон Маск Twitter’ни 44 миллиард долларга сотиб олиш истагини эълон қилганидан кейин бошланган.

Ижтимоий тармоқ вакиллари америкалик тадбиркорни сўз эркинлигининг ашаддий тарафдори деб ҳисобламоқда ва платформа қоидаларини бузганлик учун фойдаланувчиларга нисбатан умрбод тақиқларни жорий қилишни тўхтатишни мумкин.

«Бунинг ўрнига жаноб Маск айбдор фойдаланувчини ижтимоий тармоқда исталган нарса ёзиш имкониятидан вақтинча маҳрум қилишни таклиф қилди», – дейилади хабарда.

Бироқ, Twitter раҳбариятининг ўзи аккаунтларни умрбод блокировка қилишдан воз кечмоқчи эмас. Бундай чора, компаниянинг фикрича, ижтимоий тармоқ қоидаларини қўпол бузган тақдирда тўлиқ оқланади. Булар, масалан, зўравонликка чақириқларни ўз ичига олади ва шунинг учун АҚШнинг собиқ президенти Доналд Трампнинг аккаунти ҳеч қачон блокдан чиқарилмайди, дейди компания вакилларидан бири.

Шунингдек, Twitter раҳбарияти унчалик жиддий бўлмаган қоидабузарликлар учун жазони камайтириш йўлларини қидирмоқда.

Twitter компанияси доимий равишда платформада соғлом мулоқотни таъминлаш учун платформадан фойдаланиш сиёсатини такомиллаштириш йўлларини излаяпти. Компаниядаги аккаунтларни блокировка қилиш қоидаларини ўзгартириш бўйича ҳали расмий қарорлар қабул қилинмаган, деб ёзади Financial Times.