Twitter’ни сотиб олишини эълон қилганидан кейин Маскнинг бойлиги 70 млрд долларга камайди
Маскнинг бойлиги Tesla акциялари нархи тушиб кетиши оқибатида камайди. Сармоядорлар Маскнинг Twitter’га кўпроқ эътибор қаратишидан ҳавотирга тушиши фонида компания акциялари кескин тушиб кетди
Twitter компаниясини сотиб олиш фонида Tesla асосчиси Илон Маскнинг бойлиги 70 миллиард долларга камайди. Бу ҳақда «Reuters» хабар берди.
«Forbes» журнали талқинига кўра, 8 ноябрь ҳолатига миллиардернинг бойлиги 200 миллиарддан пастлади.
Маскнинг бойлиги Tesla акциялари нархи тушиб кетиши оқибатида камайди. Сармоядорлар Маскнинг Twitter’га кўпроқ эътибор қаратишидан ҳавотирга тушиши фонида компания акциялари кескин тушиб кетди.
Натижада Tesla ўзининг бозор қийматининг деярли ярмини йўқотди, бу ҳозирда 622 миллиард долларни ташкил этади. Шунга қарамай, Маск дунёнинг энг бадавлат одам бўлиб қолмоқда. У ўзидан кейинги поғонада турган LVMH компанияси эгаси Бернар Арнони салкам 40 миллиард долларга ортда қолдирмоқда.
Аввалроқ у Россия ва Украинага тинчлик шартларини таклиф қилгани ҳақида хабар берилганди. Шунингдек, Маск парфюмерия бизнесини бошлагани ҳақида хабар қилинганди.
