Украинани қайта тиклашга 1 трлн доллар керак
Украина президенти Владимир Зеленский Халқаро кўргазмалар бюроси Бош ассамблеясига йўллаган видеомурожаатида инфратузилмани қайта тиклаш учун 1 трлн доллар кераклигини маълум қилди. Мамлакат ўнлаб ҳамкор давлатларни қайта тиклаш учун сармо киритишга жалб қилган
Украинани қайта тиклаш учун 1 триллион доллардан ортиқ маблағ талаб этилади. Бу ҳақда мамлакат президенти Владимир Зеленский Халқаро кўргазмалар бюроси Бош ассамблеясига йўллаган видеомурожаатида маълум қилди.
«Ҳозирда биз Украинани қайта тиклаш учун ўнлаб ҳамкор давлатларни жалб этмоқдамиз. Умумий маблағ ҳажми — 1 триллион доллар», — дейди Украина етакчиси.
Зеленскийнинг сўзларига кўра, ғарб давлатлари ва компаниялари вилоятлар, шаҳарлар ҳамда корхоналар устидан «ҳукмронликни қўлга киритиши» мумкин. Франция, Великобритания, Нидерланды, Германия, Дания, Финляндия, Италия, Туркия, Польша, Португалия, Чехия, Словения, Латвия, Эстония, Швейцария, Словакия, Австрия, Греция, Канада, США, Япония ва Австралия бунга қизиқиш билдирган.
Аввалроқ Европа инвестиция банки раҳбари Вернер Хойер ҳам Украина инфратузилмасини тиклашга тахминан 1 трлн евро кераклигини айтиб ўтганди. Зеленскийнинг ўзи эса август ойида мамлакатни аввалги ҳолатига қайтариш учун камида 600-800 млрд доллар кераклигини маълум қилган.
