YouTube Россияда монетизацияни вақтинча тўхтатди
Компания россиялик видеоблогерларни хабардор қилди.

YouTube Россияда монетизацияни вақтинча тўхтатди. Бу ҳақда компаниянинг расмий баёнотида маълум қилинди.
YouTube видеоҳостинги россиялик фойдаланувчилар учун барча монетизация функцияларини, жумладан Premium, Music Premium, ҳомийлик, супер чат, супер стикерлар ва товарни бутунлай тўхтатиб қўйди. Бу ҳақда россиялик видеоблогерларга хабар юборилди.
«Бу YouTube ижодкорлари Россияда ушбу функциялардан даромад олишни вақтинча тўхтатишини англатади. Бу ўзгаришлар Россиядан ташқаридаги томошабинларга тааллуқли эмас», дейилади YouTube баёнотида.
Март ойи бошида Google Россиядаги сайтларда реклама сотишни тўхтатганди. Ўшанда блоггерлар ойлик YouTube Premium обунаси, супер чатлар ва супер стикерлар, шунингдек, ҳомийлик туфайли пул ишлаш имкониятига эга эди.
Аввалроқ Россиянинг санкцияга учраган банк карталари Apple Pay ва Google Pay’да ишламаслиги хабар қилинганди. Шунингдек, YouTube монетизация учун NFT’дан фойдаланишга рухсат бериши ҳақида хабар берилди.






