Зеленский Европани Россия нефтидан воз кечишга чақирди
Украина Президентига кўра, чекловлар «тинчлик учун, урушга қарши» қаратилади.
Украина Президенти Владимир Зеленский ўзининг видеомурожаатида Европани Россия нефтидан воз кечишга чақирди.
Зеленский Россияга қарши санкцияларни кучайтиришга, хусусан, унинг экспорт ва импортини бойкот қилишга чақирди. Унинг фикрича, Европа давлатлари Россия нефти ва нефть маҳсулотларидан воз кечиши керак.
Зеленский агар Россия Украинага босқинини давом эттирса, янги санкциялар пакетини қабул қилиш кераклигини айтди. Унинг таъкидланишича, бу қадамлар «урушга қарши, тинчлик учун» қаратилади.
«Россия экспортига бойкот, хусусан, Россиядан нефть ва нефть маҳсулотларини рад этиш, буни эмбарго деб аташ мумкин. Россиядан нефт импортни бойкот қилинг», — дея таклиф қилди Украина Президенти.
Аввалроқ Украина бош вазири ўринбосари Samsung’ни Россияга маҳсулот етказиб беришни тўхтатишга чақиргани хабар қилинганди. Шунингдек, Европа Иттифоқи Россияга қарши янги санкциялар пакетини тайёрлагани ҳақида хабар берилди.
