Хитой енгил автомобиль саноатида хорижий сармояларга қўйилган чекловларни бекор қилади
Янги тартиб 2022 йилнинг 1 январидан кучга киради.
Хитой ҳукумати 2022 йил 1 январдан бошлаб хорижликларга мамлакатда енгил автомобиль ишлаб чиқариш билан шуғулланишга рухсат беради, деб хабар бермоқда CNBC.
Таъкидланишича, Хитой Савдо вазирлиги ҳамда Миллий тараққиёт ва ислоҳотлар комиссиясининг тегишли ҳужжати ҳукуматнинг хорижий сармоя киритилиши тақиқланган тармоқлар бўйича мунтазам хабарномаларидан бирига айланган. Бироқ ҳукумат қарорининг сўнгги эълон қилинган версиясида енгил автомобиль ишлаб чиқариш кўзда тутилмаган. Фармон 2022 йил бошидан кучга киради.
Шунга қарамай, рўйхатга хорижий сармоя киритилиши тақиқланган ёки чекланган 31 та соҳа, жумладан, кино ва тамаки маҳсулотларини ишлаб чиқариш ва тарқатиш ҳамон киритилган. Соғлиқни сақлаш каби соҳаларда эса хорижий компаниялардан маҳаллий ҳамкорлар билан қўшма корхоналар тузиш талаб этилади. Бунда, маҳаллий тадбиркорлар одатда асосий улушга эгалик қилади.
Аввалроқ Хитой компанияси Ўзбекистонда 350 миллион долларлик қуёш фотоэлектр станцияси қуриши хабар қилинганди. Шунингдек, Илон Маскнинг Хитой иқтисодиёти АҚШникидан икки-уч баравар ўсиб кетиши мумкинлигини башорат қилгани ҳақида хабар берилди.
