Тошкент–Урганч йўналишидаги рейслар бекор қилинди
Рейслар қолдирилишига ноқулай об-ҳаво шароити сабаб бўлган.
Тошкент–Урганч–Тошкент йўналиши бўйича 2 январь куни амалга оширилиши керак бўлган HY-051/052 ва HY-057/058 рейслари бекор қилинди. Бу ҳақда Uzbekistan Airways матбуот хизмати хабар берди.
Қайл этилишича, метеорологик шароит тобора ёмонлашиб бораётгани (туман, кўришнинг етарли даражада эмаслиги) сабабли фақатгина фақатгина 2022 йилнинг 2 январь куни Тошкент–Урганч–Тошкент йўналиши бўйича HY-051/052 ва HY-057/058 рейслари бекор қилинган.
Бекор қилинган авиақатнов йўловчилари 2022 йилнинг 3 январь куни амалга оширилувчи қуйидаги рейсларда манзилларига етказилади:
Авиақатновлар жадвали:
Тошкентдан
- HY-051 — учиш 10:00, Урганчга қўниш 11:30
- HY-053 — учиш 10:30, Урганчга қўниш 12:00
Урганчдан
- HY-052 — учиш 12:30, Тошкентга қўниш 13:50
- HY-054 — учиш 13:00, Тошкентга қўниш 14:20
Аввалроқ дунё бўйлаб уч кунда 7 мингдан ортиқ рейс бекор қилингани хабар қилинганди.
