Renault компанияси 2022 йилда ишлаб чиқариладиган Austral кроссоверининг прототипини намойиш қилди. Бу ҳақда «Коммерсантъ» хабар берди.

Янгиланган, CMF-CD3 платформасида қурилган автомобиль фақат бензинли двигателлар асосидаги гибрид қувват механизмига эга бўлади — 1.3 TCe 12 вольтли стартёр-генератор ҳамда E-Tech’нинг 200 от кучига эга версияси билан тандемдаги 1.2 TCe 48 вольтли стартёр-генератор билан жиҳозланади. Шунингдек, тўлиқ электр версияси ҳам пайдо бўлади. Таъкидланишича, жиҳозлар ҳайдовчига ёрдам беришнинг замонавий тизимларини ўз ичига олади.

Renault Austral серияли ишлаб чиқарилувчи автомобилининг премьераси 2022 йилнинг баҳорида бўлиб ўтади. Юзга яқин прототиплар йўл синовларидан ўтказилмоқда — айтилишича, умумий масофа камида 2 миллион километрни ташкил этади, шундан 600 минг километри Франция, Германия, Испания ва Руминиядаги умумий фойдалантиришдаги йўлларда бўлади.

Аввалроқ Renault компанияси Kangoo E-Tech электр фургонини тақдим этгани хабар қилинганди. Шунингдек, Kia компанияси янги Niro кроссовери тизерини эълон қилгани ҳақида хабар берилди.