Россия иқтисодиёти 11 йиллик пасайишдан сўнг 2021 йили 4,6 фоизга ўсди. Бу ҳақда Федерация Иқтисодий ривожланиш вазирлигининг баёнотида маълум қилинди.

Қайд этилишича, 2021 йилда Россия ялпи ички маҳсулоти 4,6 фоизга ўсган. Бу 2020 йилдаги иқтисодиётнинг 2009 йилдан буён рекорд даражадаги 2,7 фоизга қисқаришини тўлиқ қоплаган. Декабрь ойида иқтисодий ўсиш йиллик кўрсаткичларда 4,3 фоизни ташкил этган: ноябрда 5,3 фоиз, октябрда 4,9 фоиз ва учинчи чоракда 4,3 фоиз бўлган.

Таъкидланишича, 2021 йили иқтисодиётнинг тикланишига ишлаб чиқариш тармоқлари ҳам, истеъмол талабига йўналтирилган соҳалар ҳам ҳисса қўшган. Йил давомида саноат ишлаб чиқариши бир йил аввалги 2,1 фоизга пасайишдан кейин 5,3 фоизга ошган.

Фойдали қазилмаларни қазиб олиш йил натижалари бўйича 2020 йилдаги 6,5 фоизга пасайишни тўлдира олмаган. Бу натижа ОПЕК+ келишуви доирасидаги жорий чекловлар билан изоҳланган. 2021 йил давомида қайта ишлаш саноатининг ишлаб чиқариш ҳажми пандемиягача бўлган даражадан ишончли тарзда ошиб кетган: декабрь ойида ушбу соҳанинг ўсиши 2019 йилга нисбатан 14,2 фоизни ташкил этган.

Йил якунлари бўйича қурилиш ишлари ҳажми 6 фоизга (2020 йилда — 0,7 фоизга), транспортнинг юк айланмаси 5,3 фоизга ўсган (2020 йилда — 4,7 фоизга қисқарганди). Қайта тикланиш нефть қазиб олишнинг режалаштирилган ўсиши ва газга, шунингдек, транспортнинг бошқа турларига бўлган талабнинг ўсиши фонида қувур транспорти кўрсаткичлари билан боғлиқ.

Қишлоқ хўжалиги 2021 йили пасайган ягона йирик саноат бўлиб, олдинги 12 ой ичида 1,3 фоизга ўсганидан кейин 0,9 фоизга камайган. Маълумотларга кўра, бу биринчи навбатда ғалла, картошка ва сабзавот етиштиришнинг қисқариши, шунингдек, 2021 йили нолга яқин динамика қайд этилган чорвачилик маҳсулотлари ўсишининг секинлашиши билан боғлиқ.

Аввалроқ АҚШ иқтисодиёти 1984 йилдан бери энг юқори ўсишни қайд этгани хабар қилинганди. Шунингдек, Жаҳон иқтисодиёти 2022 йилда илк марта 100 триллион доллардан ошиши ҳақида хабар берилди.