Volvo компанияси автомобилларини «рақамли хавфсизлик камарлари» билан жиҳозлайди. Бу ҳақда швед бренди бош директори Жим Роуэн хабар берди.

Маълум қилинишича, Volvo’нинг янги авлод хавфсизлик дастури «уч нуқтали рақамли хавфсизлик камари» бўлади. 1950 йилларда уч нуқтали камардан фойдаланган Volvo илғор хавфсизлик технологияларига таянган ҳолда автомобилларни замонавий радарлар, сенсорлар ва лидарлар билан жиҳозланган.

Компания бош директорининг сўзларига кўра, яқинда тақдим этилган EX90 флагман электр кроссовери технология жиҳатидан автомобиль саноатида етакчилик қилади. Автомобиль мультимедиа системаси Unreal Engine ўйинини қўллаб-қувватлайди, Luminar лидари, саккизта камера, бешта радар ва 16 ультратовуш сенсоридан иборат. Маълумотлар NVIDIA Odin ҳисоблаш тизими томонидан қайта ишланади, у бир сонияда 254 триллионгача операцияни бажара олади. Бунинг учун дастурий таъминотни Volvo ўзи яратган.

Жим Роуэннинг таъкидлашича, шведлар келажакда бу ёндашувга амал қилишда давом этади. Кўплаб компаниялар дастурий таъминот ишлаб чиқишни autsorsing қилади, аммо Volvo муҳим дастурий таъминот устида ишлаш учун учинчи томонга ишонишга тайёр эмас. Volvo’да бу 700 дан ортиқ ходимга эга бўлган махсус бўлинма томонидан амалга оширилади. Лидар туфайли EX90 келажакда бутунлай автоном ҳаракатлана олиши айтилмоқда.

Volvo, шунингдек, янги электромобиллар қаторидаги иккинчи EX30’ни чиқаришни режалаштирмоқда. Ушбу электромобиль кроссовер кичик автомобиллар учун SEA платформасида ишлаб чиқарилади. Роуэннинг айтишича, EX30 дебюти 2024 йилда кутилмоқда.

Маълумот учун, ҳозирда Volvo учта электромобилга эга —  XC40 Recharge, C40 Recharge ва EX90. 2022 йилнинг январь-октябрь ойларида улар дунё бўйлаб сотилган 483 304 та автомобилнинг 15 фоизини ташкил қилган. 2025 йилга келиб, бренд савдо ҳажмини йилига 1,2 миллион автомобилга етказмоқчи ва уларнинг ярмини электромобиллар ташкил этиши режалаштирилмоқда.