Apple тарихда капиталлашуви 3 триллион доллардан ошган биринчи компанияга айланди. 2018 йилнинг августида компания капиталлашуви 1 триллион долларга, 2020 йилнинг августида эса 2 триллион долларга етганди. Бу ҳақда Rusbase хабар берди.

Apple компаниясининг 3 триллион доллар капиталлашувига эришганини Nasdaq биржасидаги савдо маълумотлари тасдиқлайди. Тошкент вақти билан 22:24 ҳолатига кўра, компания капиталлашуви 3 029 856 201 060 долларни ташкил этди.

Шуниндек, Apple акциялари нархи ҳам рекорд ўрнатган. 9 декабрдаги савдо сессияси давомида компаниянинг ҳар бир акцияси нархи 176,54 долларгача кўтарилган, бироқ савдолар давомида коррекцияга учраган.

Шу тариқа, Apple тарихда капиталлашуви 3 триллион доллардан ошган биринчи компания бўлди. 2018 йил август ойида Apple’нинг бозор капиталлашуви 1 триллион долларга етди ва у бундай кўрсаткичга эришган дунёдаги биринчи компанияга айланди. Кейин, 2020 йил август ойида Apple капиталлашуви 2 триллион долларга етди. Apple компаниясига 3 триллион долларлик янги маррага эришиш учун 1 йил ва 4 ой керак бўлди.

2021 йилда Apple акциялари тахминан 35 фоизга, 2020 йилда эса 80 фоизга ошди. Америкалик етакчи таҳлилчилар Apple акциялари ҳали ҳам юқори потенциалга эга, деб ҳисоблайди ва 2022 йилда Apple’га инвестиция киритишни тавсия қилади.

Аввалроқ Apple раҳбари Хитой билан махфий битим имзолагани маълум бўлгани хабар қилинганди.