Ўзбекистон Давлат статистика қўмитаси томонидан ҳудудий марказий деҳқон бозорларида ўтказилган кузатув натижалари бўйича алоҳида турдаги озиқ-овқат маҳсулотларининг минимал-максимал нархлари эълон қилинди.

Маълум бўлишича, 2021 йил 15 декабрь ҳолатига бозорларда маҳсулотлар қуйидаги нархларда сотилган:

• суякли мол гўшти (1 килограмм) 45 минг–68 минг сўм;
• қўй гўшти (1 килограмм) 52 минг–80 минг сўм;
• картошка (1 килограмм) 3000–6500 сўм;
• пиёз (1 килограмм) 1200–4000 сўм;
• сабзи (1 килограмм) 1000–4500 сўм;
• тухум (10 дона) 7000–15 минг сўм;
• гуруч (1 килограмм) 4500–17 минг 500 сўм;
• ўсимлик ёғи (1 литр) 13 минг 600–24 минг сўм;
• шакар (1 килограмм) 7500–10 минг 500 сўм.

Аввалроқ «Ўзбекнефтгаз»га тегишли АЁҚШларда бензин нархи пасайтирилгани хабар қилинганди. Шунингдек, Тошкент жамоат транспортида йўлкира нархи кўтарилиши ҳақида хабар берилди.