Rivian компаниясининг R1T модели MotorTrend журнали томонидан Truck of the Year деб топилди. Бу ҳақда журнал сайтида хабар берилган.

Қайд этилишича, Rivian R1T электропикапи Ford Motor, General Motors ва Hyundai Motor пикапларини ортда қолдирган. У йил юк машинаси унвонга қўшимча равишда Golden Caliper мукофотига сазовор бўлган.

R1T АҚШда оммавий ишлаб чиқарилган биринчи электр юк машинасидир. MotorTrend нашрининг қайд этишича, Rivian пикапи олтита асосий мезоннинг ҳар бирида устунлик қилган: хавфсизлик, самарадорлик, нарх, дизайндаги ютуқлар, муҳандислик мукаммаллиги ва мўлжалланган вазифаларини бажа олиш.

R1T’дан ташқари, MotorTrend йилнинг бошқа финалчилари орасида Ford Maverick, GMC Hummer EV ва Hyundai Santa Cruz’ни юқори баҳолаган. Журнал йилнинг энг яхши автомобили деб Lucid Air, йилнинг энг яхши йўлтанламаси деб Genesis GV70’ни топган.

Rivian компаниясининг капиталлашуви айни вақтда 153 миллиард долларни ташкил қилмоқда. Сўнгги савдолардан кейин компания 137 миллиард долларлик Volkswagen’ни ортда қолдирди. Қайд этиш керакки, Rivian ҳозир қиймати бўйича фақат икки компания — Tesla ва Toyota’дан ортда қолмоқда.

Маълумот ўрнида, Rivian R1T 3 сонияда соатига 100 километрлик тезликка эришиши мумкин. Ушбу электропикап бир марта қувватлангандан сўнг машина оғирлигига қараб, 300 километрдан 562 километргача юриши мумкин. Электропикапнинг вазни 5 тоннани ташкил қилади, нархи — 60 минг доллардан 90 минг долларгача.

Аввалроқ Mercedes-Benz компанияси eVito электрофургонининг янги версиясини намойиш қилганди.