FTX криптобиржасида 2 млрд доллар йўқолгани маълум бўлди
Криптобиржаси асосчиси Сэм Бэнкмен-Фрид Alameda Research савдо компаниясига 10 миллиард долларлик мижоз маблағларини яширинча ўтказди. Уларнинг 2 млрд доллари йўқолган Йўқолган маблағлар биржада нотўғри ҳисобланган «чалкаш ички белгилар» борлиги сабаб юзага келгани айтилмоқда
FTX криптобиржаси асосчиси Сэм Бэнкмен-Фрид Alameda Research савдо компаниясига 10 миллиард долларлик мижоз маблағларини яширинча ўтказди. Уларнинг 2 млрд доллари йўқолган. Бу ҳақда Reuters хабар берди.
Агентлик маълумотларига кўра, Бэнкмен-Фрид Alameda Research компанияси ўтказган маблағлардан 1,7 миллиард долларга яқин маблағ йўқолган. Агентликнинг яна бир манбаси етишмаётган маблағларни 1-2 миллиард долларга баҳолаган.
Маълум бўлишича, йўқотишлар 6 ноябрь куни аниқланган. Сэм Бэнкмен-Фрид топ-менежерларига зарарни акс эттирувчи молиявий ҳисоботларни тақдим этди. Аммо тақдим этилган ҳисоботларда етишмаётган маблағлар қаерга юборилгани айтилмаган.
Криптобиржаси асосчиси таъкидлашича, йўқолган маблағлар биржада нотўғри ҳисобланган «чалкаш ички белгилар» мавжуд.
