Германия компанияси Сурхондарёда инновацион фотоэлектр станцияси қуришга 500 млн доллар ажратади
Германиянинг Graess Energy Uzde компанияси Сурхондарё вилояти Жарқўрғон туманида инновацион фотоэлектр станциясини барпо этишга 500 миллион доллар маблағ ажратади
Германиянинг Graess Energy Uzde компанияси Сурхондарё вилояти Жарқўрғон туманида инновацион фотоэлектр станциясини барпо этишга 500 миллион доллар маблағ ажратади. Бу ҳақда Инновацион ривожланиш агентлиги матбуот хизмати хабар берди.
Маълум қилинишича, 2023 йилнинг 3 февраль куни Германиянинг Graess Energy Uzde компанияси, Сурхондарё вилояти ҳокимлиги ҳамда Инновацион ривожланиш ҳудудий бошқармаси ўртасида Жарқўрғон туманида қурилиши режалаштирилаётган қиймати 500 миллион АҚШ долларилик 600 мегаватт қувватга эга инновацион фотоэлектр станциясини барпо этилиши билан боғлиқ масалалар юзасидан келишувга эришилган.
Аввалроқ Тошкент шаҳар ҳокими ўринбосарларининг Франциянинг EDF компанияси вакиллари билан учрашувида муқобил энергия манбаларидан фойдаланиш, хусусан, ҳудуддаги қатор объектларга қуёш панелларини ўрнатишга қаратилган лойиҳа доирасидаги ишлар кўриб чиқилгани ҳақида хабар берилганди.
Шунингдек, Ўзбекистоннинг Гуанчжоудаги бош консулининг Далянь халқаро бизнес уюшмаси раҳбари билан учрашувида қуёш ва шамол энергиясини қайта ишлаш орқали «яшил» энергия ишлаб чиқариш ва уюшма таркибидаги ушбу йўналишда фаолият олиб борувчи компанияларни Ўзбекистонга жалб этиш юзасидан келишувга эришилди.
