IT Park қорақалпоғистонликлар учун хакатон эълон қилди
Танлов сунъий интеллект, медицина, қишлоқ ва сув хўжалиги каби йўналишларда стартап лойиҳалар ишлаб чиқишдан иборат
Қорақалпоғистонда 17–19 декабрь кунлари стартапга қизиқадиган барча аҳоли учун «Hack4Region» хакатони бўлиб ўтади. Бу ҳақда IT Park Uzbekistan хабар берди.
Маълум қилинишича, хакатон иштирокчиларига қуйидаги йўналишларнинг бири бўйича муаммони ҳал қилувчи лойиҳа ишлаб чиқаришга 2 кун берилади:
- Сунъий интеллект;
- медицина;
- энергетика;
- қишлоқ ва сув хўжалиги;
- қурилиш;
- таълим;
- ижтимоий ҳимоя;
- аҳоли бандлиги.
Таъкидланишича, танлов тугаллангандан сўнг, муваффақиятли стартап лойиҳалар қимматбаҳо совғаларга эга бўлади. Хакатонга рўйхатдан ўтиш 2021 йил 14 декабргача давом этади.
Маълумот ўрнида, хакатонда қатнашиш учун ушбу ҳаволa орқали рўйхатдан ўтилади. Бу ҳавола орқали батафсил маълумот олиш мумкин.
Аввалроқ IT Park соврин жамғармаси 55 минг доллар бўлган танлов эълон қилгани ҳақида хабар берилганди.
