Ўзбекистон Тожикистон экспорт қилган электр энергиясининг асосий импортёрларидан бири бўлди. Бу ҳақда Тожикистон Энергетика ва сув хўжалиги вазири Далер Жума матбуот анжуманида маълум қилди.

Қайд этилишича, 2021 йилда Тожикистондан энг кўп электр энергиясини Афғонистон импорт қилган ва бу учун энг катта суммани тўлаган — 1 миллиард кВт/соат электр энергияси мамлакатга 55 миллион долларга тушган.

Ўзбекистон ҳам Тожикистондан 1 миллиард кВт/соат электр энергияси сотиб олган ва бунинг учун 23 миллион доллардан ортиқ тўлаган. Ўтган йил Тожикистон жами 2,5 миллиард кВт/соат электр энергияси экспорт қилган, бу 2020 йилга нисбатан 900 миллион кВт/соатга кўпдир.

Энергетика вазирлиги маълумотларига кўра, республикада бир йил давомида электр энергияси ишлаб чиқариш, жумладан, энергетика инфратузилмасини таъмирлаш ҳисобига 4,3 фоизга ошган.

Аввалроқ Ўзбекистонда ягона энергоҳалқа тизими ҳосил қилининиши хабар қилинганди.