Иқтисодий тараққиёт ва камбағалликни қисқартириш вазирлиги томонидан 1–31 октябрь кунлари Қўйлиқ ва Чорсу деҳқон бозорларида асосий истеъмол товарларининг улгуржи нархлари бўйича кузатув натижалари эълон қилиниб борилди. Вазирлик асосий турдаги қишлоқ хўжалиги ва гўшт маҳсулотларининг улгуржи нархлари ўзгариши юзасидан таҳлилий маълумот берди.

Арзонлашган маҳсулотлар

Ушбу давр мобайнида бозорда сариқ сабзи 500 сўмга, қизил сабзи 250 сўмга, импорт олма 2500 сўмга, ризамат узуми 1500 сўмга, импорт нок 2500 сўмга ва лимон 9 минг сўмга арзонлашган.

Қимматлашган товарлар

Бозорларда картошка 675 сўмга, пиёз 100 сўмга, саримсоқ пиёз 2500 сўмга, бодринг 625 сўмга, помидор 2 минг сўмга, булғор қалампири 1500 сўмга, бақлажон 250 сўмга, олма 2500 сўмга, узум 2 минг сўмга, нок 1000 сўмга, тарвуз 900 сўмга ва қовун нархлари 1000 сўмга ошган.

Бозорларга энг кўп келтирилган маҳсулотлар

Тезкор маълумотларга асосан, Қўйлиқ бозорига 1–31 октябрь кунлари ҳудудлардан жами 23,7 минг тонна маҳсулот: 12,4 минг тонна картошка, 8,4 минг тонна пиёз, 966 тонна карам ва 1,9 минг тонна сабзи келтирилган.

Шундан, Тошкент вилоятидан 1107 тонна картошка, 1564 тонна пиёз, 966 тонна карам, 573 тонна сабзи, Самарқанд вилоятидан 1144 тонна картошка, 78 тонна сабзи, Наманган вилоятидан 69 тонна картошка, Жиззах вилоятидан 6,8 минг тонна пиёз ва 27 тонна сабзи, Фарғона вилоятидан 210 тонна, Қашқадарё вилоятидан 600 тонна, Хоразм вилоятидан 27 тонна, Бухоро вилоятидан 151 тонна, Сирдарё вилоятидан 158 тонна ва Андижон вилоятидан 67 тонна сабзи маҳсулотлари етказиб берилган.

Шунингдек, Қўйлиқ бозорига Қозоғистондан 5010 тонна, Қирғизистондан 844 тонна, Афғонистондан 902 тонна ва Эрондан 3347 тонна картошка келтирилган.

Шу билан бирга, ҳудудлардан Чорсу деҳқон бозорига 1–31 октябрь кунлари жами 357,2 тонна, шу 302,7 тонна мол гўшти ва 54,5 тонна қўй гўшти келтириб сотилган.

Аввалроқ Ўзбекистон товар-хом ашё биржасида шакар ва суюлтирилган газ нархи пасайганди.