Ayni daqiqalarda Prezident Shavkat Mirziyoyev raisligida qurilish industriyasi va qurilish materiallarini ishlab chiqarishni yanada rivojlantirish chora-tadbirlari yuzasidan videoselektor yigʻilishi bo‘lib o‘tmoqda.

Yig‘ilishda kambag‘allikni qisqartirish va bandlik vaziri Behzod Musayev lavozimidan ozod etildi. Uning o‘rniga bugungi kungacha Toshkent shahri Shayxontohur tumani hokimi lavozimida faoliyat yuritgan Botir Zohidov vazir etib tayinlandi.

Behzod Musayev esa bundan buyon Tashqi mehnat migratsiyasi agentligi rahbari sifatida faoliyatini davom ettiradi.

Shuningdek, videoselektor yig‘ilishida Mahallabay ishlash agentligi tugatilib, uning vakolatlari hamda hokim yordamchilari Kambag‘allikni qisqartirish va bandlik vazirligiga o‘tkazilishi ma’lum qilindi.