Олтин қуймалари нархи янги рекорд кўрсаткичга етди
1 грамм олтин 1 млн 387 минг 340 сўмга баҳоланмоқда. 5 граммлик ўлчовли қуйма 6 млн 937 минг сўмдан сотиляпти.
14 апрель куни ўлчовли олтин қуймаларнинг нархи янги рекорд кўрсаткичга етди. Бу ҳақда Марказий банк хабар берди.
1 грамм олтин 1 млн 387 минг 340 сўмга баҳоланмоқда. 5 граммлик ўлчовли қуйма 6 млн 937 минг сўмдан сотилмоқда.
Регулятор томонидан олтин қуймалари бўйича тақдим қилинган маълумотга кўра:
- 5 грамм ўлчовли олтин қуйма нархи 6 млн 937 минг сўм;
- 10 грамм олтин қуйма нархи 13 млн 873 минг сом;
- 20 грамм олтин қуйма нархи 27 млн 747 минг сўм;
- 50 грамм олтин қуйма нархи 69 млн 367 минг сўм;
- 100 грамм олтин қуйма нархи 138 млн 734 минг сўмни ташкил қилади.
14 апрель куни олтиннинг жаҳон котировкалари троя унцияси учун 3230 доллардан ошди.
Йил бошидан бери олтин АҚШнинг янги президенти Доналд Трампнинг савдо сиёсати ва жаҳон савдосидаги кескинликнинг кучайиши фонида энг даромадли активга айланди. Қимматбаҳо металларга бўлган талаб дунёнинг марказий банклари томонидан сотиб олиниши билан қўллаб-қувватланади.
Yahoo! Finance’нинг хабар беришича, таҳлилчилар Оқ уйнинг тариф бўйича қарорларини ҳисобга олган ҳолда олтин нархининг янада кўтарилишини кутмоқда. Жумладан, Macquarie Group вакили Маркус Гарви олтин нархи айрим ҳолларда 3500 долларгача етиши мумкинлигини тахмин қилмоқда.
