Маълумотларга кўра, микромолия банкининг таъсисчиси ва бошқарув таркиби банкирлар (йирик банкларда ишлашган ва кейинчалик рақамли банкларда тажриба орттирган)дан иборат бўлади.

Янги ва биринчилардан бўлиб очилиши кўзда тутилган микромолия банки рақамли банк сифатида фаолият юритиши кўзда тутилиб, барча турдаги банк хизматларини кенг тармоқли офисларида кўрсатади.

Корхоналар ва ташкилотларнинг ягона давлат реестри маълумотларига кўра, Tayyab Finance Микромолия Ташкилоти 2022 йил октабр ойида рўйхатдан ўтган. Сергели туманида жойлашган ХМИнинг устав фонди 13,9 млрд сўмни ташкил этади. Таъсисчилар — «акциядорлар» (100%), директор — Хўжамуродов Шермуҳаммад Эгамбердиевич. ЯИДХПда таъсисчилар сифатида Ҳанипова Алмира Фаритовна ва Мустақимов Акбарбек Ровшанбек ўғли (50%дан) кўрсатилган.

Февраль ойи ўрталарида Шавкат Мирзиёев минимал устав капитали 50 млрд сўм бўлган микромолия ташкилотлари ва тижорат банклари ўртасидаги оралиқ бўғин — микромолия банкларини ташкил этишга рухсат берувчи қонунни имзолаган эди.

Улар 200 млн сўмгача омонатларни қабул қилишлари ва 5 млрд сўмгача кредитлар ажратишлари мумкин бўлади. Уларнинг портфелининг камида 70%и микро бизнес ва ўзини ўзи банд қилганлар учун кредитлар бўлиши керак.