2026 йил январь—апрель ойларида Ўзбекистонда фаолияти юритаётган 34 та банк жами 6,94 триллион сўм соф фойда кўрди. Бу кўрсаткич 2025 йил мос давридагига нисбатан 2,64 триллион сўмга кўп.

Марказий банк таҳлилига қараганда, 2024 йилнинг дастлабки тўрт ойидаги банклар соф фойдаси уч триллион сўм бўлган. Сўнги икки йилнинг январь—апрель ойларидаги соф даромадлар улуши икки баравардан кўпроқ ошган.

Жорий йил 1 май ҳолатига кўра, банкларнинг жами активлари ҳажми 962,8 триллион сўмга етган. Бунда активлар улуши бир йил аввалгидан қарийб 133 триллион сўмга ортган.

Банкларнинг 338,5 триллион сўм ёки 35 фоиз активлари хорижий валютада экани қайд этилган. Таққослаш учун, 2025 йил май ойининг бошида 335,8 триллион сўмлик активлар чет эл валютасида эди ва бу умумий улушнинг 40 фоизини ташкил этган. Яъни бир йил давомида хорижий валютадаги активлар улуши 5 фоизга қисқарган.

Мамлакат активлари 30 триллион сўмдан юқори бўлган 12 та, 10—30 триллион сўм оралиғида активга эга банклар сони тўққизтани ташкил этади. Шу билан бирга, саккизта банк активлари 3—10 триллион сўмгача, яна бештасиники уч триллион сўмгача етади.