Ўзбекистон Марказий банки ва Жаҳон банки вакиллари ўртасида бозор иқтисодиётига барқарор ўтишда ислоҳотчилик сиёсатини молиялаштиришни қўллаб-қувватлаш лойиҳасини амалга ошириш якунлари ва натижалари тўғрисида ҳисобот тайёрлаш бўйича учрашув ўтказилди. Бу ҳақда Марказий банк матбуот хизмати хабар берди.

Маълум қилинишича, учрашув давомида томонлар валюта сиёсатини либераллаштириш, банк фаолиятини тартибга солиш ҳамда банк назорати бўйича амалга оширилаётган ислоҳотлар натижалари билан боғлиқ масалаларни муҳокама қилган.

Шунингдек, йиғилишда Марказий банк фаолияти самарадорлигини ошириш юзасидан фикр алмашилган.

Маълумот учун, бозор иқтисодиётига барқарор ўтиш учун Ўзбекистоннинг ислоҳотчилик сиёсатини молиялаштиришни қўллаб-қувватлаш лойиҳаси Жаҳон банкининг мамлакатни ривожлантириш сиёсатини қўллаб-қувватлашдаги илк лойиҳаси бўлиб, 2019 йил декабрь ойида ўз ниҳоясига етди.

Аввалроқ Марказий банк макроиқтисодий ривожланиш бўйича 2 та сценарий эъон қилганди.