Ўзбекистоннинг ташқи қарзи қанчага етгани очиқланди
Ўзбекистоннинг давлат ташқи қарзи 2021 йил бошида 39,0 фоиздан 2022 йилнинг 1 июль ҳолатига 35,1 фоизгача пасайди. Халқаро валюта жамғармасининг мамлакатлар иқтисодиётига бағишланган ҳисоботига кўра, Ўзбекистоннинг давлат қарзи бугунги кунда «мўътадил» даражада ҳисобланади
Ўзбекистоннинг давлат қарзи қолдиғи 2022 йилнинг 1 июль ҳолатига 26,0 миллиард долларни ташкил қилди. Бу ҳақда Молия вазирлиги матбуот хизмати хабар берди.
Қайд этилишича, давлат ташқи қарзи – 23,26 млрд доллар, давлат ички қарзи – 2,77 млрд долларни ташкил этган. Ўзбекистон ялпи ички маҳсулотга нисбатан 35,1 фоизни ташкил этди.
Давлат қарзининг ЯИМга нисбати 2021 йил бошида 39,0 фоиздан (2021 йил якунида – 38,0 фоиз) 2022 йилнинг 1 июль ҳолатига 35,1 фоизгача пасайди. Халқаро валюта жамғармасининг мамлакатлар иқтисодиётига бағишланган ҳисоботига кўра, Ўзбекистоннинг давлат қарзи бугунги кунда «мўътадил» даражада ҳисобланади.
Ўзбекистон давлат қарзини макроиқтисодий барқарор даражада сақлаш ва уни самарали бошқариш юзасидан амалга оширилаётган чоралар ҳамда миллий валюта алмашув курсининг барқарорлиги шароитларида республика иқтисодиётининг юқори суръатлар билан ўсишининг таъминланиши натижасида 2021 йилдан бошлаб давлат қарзининг ЯИМга нисбати барқарорлашиши кузатилди.
