Uzbekistan Airways март ойидан Милан ва Парижга авиақатновларни тиклайди
Uzbekistan Airways 2023 йил 28 мартдан бошлаб Тошкент—Милан—Тошкент ва 31 мартдан Тошкент—Париж—Тошкент йўналишида авиақатновларни амалга оширишни бошлайди. Парвозлар ҳафтада икки марта — сешанба ва жума кунлари амалга оширилади
Uzbekistan Airways 2023 йил 28 мартдан бошлаб Тошкент—Милан—Тошкент ва 31 мартдан Тошкент—Париж—Тошкент йўналишида авиақатновларни амалга оширишни бошлайди. Бу ҳақда компания матбуот хизмати хабар берди.
Қайд этилишича, парвозлар ҳафтада икки марта — сешанба ва жума кунлари амалга оширилади.
Тошкент—Милан йўналишида авиачипталар 4 391 000 сўмдан, Тошкент—Милан—Тошкент йўналишида эса 6 084 752 сўмдан бошланади. Тошкент—Париж йўналишида эса авиачипталар 4 317 000 сўмдан, Тошкент—Париж—Тошкент йўналишида эса 6 337 975 сўмдан бошланади.
«Авиачипталарни авиакомпаниянинг расмий сайтидан 3 фоиз чегирма билан, Uzbekistan Airways Sales филиалидан ёки авиакомпания агентларидан харид қилиб олиш мумкин», дейилади хабарда.
Аввалроқ Венгриянинг WizzAir авиакомпанияси Абу-Дабига парвозларни йўлга қўйгани ҳақида хабар берилганди. Тўғридан-тўғри мунтазам рейслар А320/321 самолётларида ҳафтасига уч марта — душанба, чоршанба ва жума кунлари амалга оширилиши режалаштирилган. Ушбу йўналишдаги чипталар нархи бир томонга 45 доллардан бошланади
