Европа Иттифоқи Россияга нисбатан янги санкциялар пакетини жорий қилди, унга иттифоқнинг бутун ҳудуди бўйлаб парвозларини тўлиқ тақиқлаш ҳам киради. Бу ҳақда Брюсселда бўлиб ўтган матбуот анжуманида Еврокомиссия раҳбари Урсула фон дер Ляйен маълум қилди.

«Биз Европа Иттифоқи ҳаво ҳудудини руслар учун ёпяпмиз. Россияга тегишли, Россияда рўйхатдан ўтган ёки Россия томонидан бошқариладиган барча самолётларга тақиқ қўямиз. Ушбу самолётлар Европа Иттифоқи ҳудудига қўна олмайди ва иттифоқ ҳудуди устидан уча олмайди», деди у. 

Фон дер Ляйеннинг сўзларига кўра, бу тақиқ барча самолётларга, шу жумладан хусусий самолётларга ҳам тегишли.

Мавзуга доир:

«Росавиация» Британияга Россия ҳаво ҳудудида парвоз қилишни тақиқлади.

Ўзбекистон самолёти Россия ҳарбий ҳаво кучлари машғулот ўтаётган ҳудуддан учиб ўтгани ҳақидаги хабарларга изоҳ берилди.