Илон Маск Twitter нархи қайта кўриб чиқилиши мумкинлигини айтди

14:43 | 17.5.22

Алишер Усмоновнинг собиқ топ-менежери Ўзбекистонга катта сармоя киритади

12:44 | 17.5.22

Тошкентда «Makon Marketing Forum 2022» тўртинчи халқаро маркетинг бизнес-форуми бўлиб ўтади

12:00 | 17.5.22

Ўзбекистоннинг қайси ҳудудларида иқтисодий фаоллик юқори бўлди?

11:59 | 17.5.22

Уоррен Баффетнинг компанияси бозорлардаги пасайиш фонида бир нечта компаниялар акцияларини сотиб олди

10:37 | 17.5.22

Ислом тараққиёт банки Ўзбекистонга онкология хизматини ривожлантириш учун 80 млн доллар қарз беради

9:15 | 17.5.22

Ўзбекистонда аҳоли томонидан сезилган инфляция пасаювчи динамика кўрсатди

20:08 | 16.5.22

McDonald’s Россиядаги бизнесини сотиши ва мамлакат бозорини тарк этишини эълон қилди

17:24 | 16.5.22

Ўзбекистонда долларнинг расмий курси кўтарилди

16:02 | 16.5.22

Ўзбекистон GSP+ Преференциялар бош тизими бенефициари мақоми сабаб ЕИга экспортни сезиларли оширди

14:40 | 16.5.22

Renault’нинг Россиядаги активлари давлат мулкига айланади

13:18 | 16.5.22

Ўзбекистон энг кўп қайси давлатлардан парранда гўшти импорт қилади? Хитой рўйхатда йўқ

12:13 | 16.5.22

TikTok 10 ёшли қиз челленж сабаб вафот этганидан сўнг судга тортилди

10:34 | 16.5.22

Дунёнинг энг йирик нефть компанияси даромадини 80 фоиздан кўпроққа оширди

9:12 | 16.5.22

Рейтинг. Ўзбекистон импортидаги топ-10 давлатлар

21:48 | 15.5.22

Алишер Усмоновнинг Германиядаги учта вилласи мусодара қилиниши мумкин

19:04 | 15.5.22

Москва биржаси Ўзбекистон сўмида савдоларни йўлга қўйиши мумкин

15:48 | 15.5.22

Рейтинг. Ўзбекистон экспортидаги топ-10 давлатлар

13:36 | 15.5.22

NASA билан шартнома имзолаган Жефф Безос компанияси, пиротехника олиб кириш ва бюджет кўриб чиқишдаги ўзгаришлар — кунлик дайжест

Kommers.uz куннинг Энг сара янгиликларини битта дайжестга тўплади

NASA билан шартнома имзолаган Жефф Безос компанияси, пиротехника олиб кириш ва бюджет кўриб чиқишдаги ўзгаришлар — кунлик дайжест
Фото: Kommers.uz

Яқин соатларда 2021 йилнинг 4 декабрь санаси ҳам поёнига етади. Якунланаётган кун Ўзбекистон ва жаҳон ахборот майдонида қайноқ янгиликларга бой бўлди. Kommers.uz уларнинг энг сараларини битта дайжестга тўплади.

Ўзбекистон ХТТБ ҳамда ХМКнинг қўшимча акцияларини сотиб олади

Ўзбекистон Халқаро тикланиш ва тараққиёт банки ҳамда Халқаро молия корпорациясининг қўшимча акцияларини сотиб олади. Маълум қилинишича, Президентнинг 30 ноябрдаги ПҚ-26-сон «Ўзбекистон Республикасининг Халқаро тикланиш ва тараққиёт банки ва Халқаро молия корпорациясининг устав капиталидаги қўшимча улушларига обуна бўлиш тўғрисида»ги қарори қабул қилинган.

Ҳужжатда Халқаро тикланиш ва тараққиёт банки (ХТТБ) Бошқарувчилар кенгаши, шунингдек, Халқаро молия корпорацияси (ХМК) 2018 йилда ушбу ташкилотларнинг устав капиталини ошириш ва ташкилотларга аъзо мамлакатларнинг қўшимча акцияларга обунасини ташкил этиш тўғрисида қарор қабул қилгани ҳисобга олинган.

Қайд этилишича, Молия вазирлиги, Инвестициялар ва ташқи савдо вазирлиги, шунингдек, Иқтисодий тараққиёт ва камбағалликни қисқартириш вазирлигининг ХТТБ ва ХМК устав капиталидаги умумий қиймати мос равишда 91,92 миллион долларлик 762 дона ва 12,78 миллион долларлик 12 781 дона акцияга обуна бўлиш тўғрисидаги таклифи маъқулланган.

NASA билан шартнома имзолаган Жефф Безос компанияси

NASA Жефф Безоснинг Blue Origin ҳамда Nanoracks ва Northrop Grumman хусусий компаниялари билан Халқаро космик станция (ХКС) ўрнини босувчи космик станция лойиҳаларини ишлаб чиқиш бўйича шартномалар имзолади. Ушбу мақсадлар учун 415,6 миллион доллар ажратилади.

«NASA уч Америка компанияси билан космик станциялар ва коинотдаги бошқа тижорат объектлари лойиҳаларини ишлаб чиқиш бўйича шартномалар имзолади», дейилади NASA сайтида.

Маълум қилинишича, Nanoracks 160 миллион доллар, Blue Origin 130 миллион доллар, Northrop Grumman 125,6 миллион доллар олади.

Халқаро космик станциянинг ишлаши 2028 йилда тугайди. Россия ХКС модулининг эскирганлиги сабабли ўзининг орбитал станциясини ишлаб чиқмоқда. Биринчи модулни қуриш бўйича ишлар 2025 йилгача якунланиши керак.

BMW’дан i7 электроседани

Германиянинг BMW компанияси i7 электроседанини тайёрламоқда ва ушбу моделни F-класс тарихидаги илк электр седан сифатида баҳоламоқда. Қайд этилишича, BMW i7 бешинчи авлод BMW eDrive электр қувватини олади, модель BMW 7 Series’нинг кейинги авлоди асосини ташкил этувчи янги платформада қурилади. Ушбу электроседаннинг тақдимоти 2022 йилга режалаштирилган.

BMW компанияси i7 электроседанини ишлаб чиқаради
Фото: BMW

Ҳозирги вақтда янги модель Швециянинг Арьеплуг шаҳридаги полигонда синовдан ўтказилмоқда. У ерда муҳандислар электрон ассистентларни ўрнатиш ва стандарт тормоз тизимининг энергияни қайта тиклаш тизими билан ўзаро таъсири устида ишламоқда.

Электротехника экспорти 500 млн доллардан ошди

Ўзбекистонда электротехника маҳсулотлари экспорти ярим миллиард долларлан ошди. Қайд этилишича, 11 ой якунларига кўра, тармоқ корхоналари экспорти ярим миллиард доллар (508 миллион доллар)дан ошди. Бу кўрсаткич 2020 йилнинг тегишли даврига нисбатан 1,8 баробарга кўп дегани. 

Электротехника маҳсулотларининг Тожикистонга экспорти 1,8 баробарга, Қозоғистонга экспорти 2 бараварга, Россияга экспорти 2,2 бараварга ва Грузияга экспорти 2 бараварга ошган. 

Шунингдек, Ўзбекистонда ишлаб чиқарилган электротехника маҳсулотлари экспорт қилинган давлатлар қаторига Яман, Танзания, Руминия, Албания ва Молдова ҳам қўшилган.

Цемент учун фойда солиғи пасайтириладими?

Ўзбекистонда цемент ишлаб чиқарувчи корхоналарнинг фойда солиғи ставкасини 20 фоиздан 15 фоизга пасайтириш таклиф қилинди. Маълум қилинишича, Қонунчилик палатасининг навбатдаги мажлисида «Ўзбекистон Республикасининг Солиқ кодексига ўзгартиш ва қўшимчалар киритиш тўғрисида»ги қонун лойиҳасининг муҳокамаси бўлиб ўтган. Таклиф этилаётган қонун лойиҳаси билан Ўзбекистон Солиқ кодексининг бир қатор моддаларига қўшимча киритиш таклиф қилинмоқда.

Хусусан, кодекснинг 337 ва 452-моддаларига 2021 йил 1 октябрдан бошлаб цемент (клинкер) ишлаб чиқаришни амалга оширувчи корхоналарга белгиланган 20 фоизлик фойда солиғи ставкасини 15 фоизга пасайтириш таклиф қилинган. Шунингдек, 2022 йил 1 январдан бошлаб эса цемент ишлаб чиқаришга мўлжалланган 1 тонна оҳактош учун ер қаъридан фойдаланганлик учун солиқ ставкасини икки бараварга камайтириш таклиф қилинмоқда.

Қайд этилишича, қонун лойиҳасининг қабул қилиниши қурилиш материалларини ишлаб чиқарувчи корхоналар ҳамда қурилиш материаллари истеъмолчилари бўлган аҳолининг даромадлари ошишига хизмат қилади. Шу билан бирга, муҳокамалардан сўнг, қонун лойиҳаси депутатлар томонидан қабул қилинган.

Бюджетни кўриб чиқишдаги ўзгаришлар

Ўзбекистон Олий Мажлиси Қонунчилик палатасининг навбатдаги мажлисида депутатлар томонидан «Ўзбекистон Республикаси бюджет тизимини кўриб чиқиш тартиби такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги қонун лойиҳаси биринчи ўқишда кўриб чиқилди.

Маълум қилинишича, қонун лойиҳаси билан Бюджет кодексига, «Маҳаллий давлат ҳокимияти тўғрисида»ги, «Ўзбекистон Республикасининг Ҳисоб палатаси тўғрисида»ги қонунларига ўзгартиш ва қўшимчалар киритиш таклиф этилмоқда.

Таъкидланишича, Давлат бюджети тўғрисидаги қонунга ва Қорақалпоғистон Жўқорғи Кенгеси, халқ депутатлари, вилоятлар ва Тошкент шаҳри Кенгашларининг маҳаллий бюджетларига ўзгартириш киритишни Ҳисоб палатаси хулосаси асосида амалга ошириш тартиби жорий қилинмоқда.

Яъни, келгусида Давлат бюджети тўғрисидаги қонунга ўзгартириш киритилган тақдирда дастлаб қонун лойиҳасига Ҳисоб палатасининг хулосаси олинганидан сўнг Қонунчилик палатасига киритиш мумкин бўлади. Шунингдек, маҳаллий бюджетлар Ҳисоб палатаси томонидан ташқи аудитдан ўтказилиб, ҳар йили 1 мартгача тегишли хулосани маҳаллий ҳокимликларга тақдим этиш тартибини жорий қилиш таклиф қилинмоқда.

Пиротехника олиб киришдаги ўзгаришлар

Ўзбекистонда ҳукумат қарорига мувофиқ пиротехника воситаларининг фақатгина лицензияга эга юридик шахслар томонидан олиб кирилишига рухсат берилади. Маълум қилинишича, ҳукуматнинг 1 декабрдаги «Ўзбекистон Республикаси ҳудудида пиротехника буюмлари муомаласи соҳасида давлат назоратини кучайтиришга доир чора-тадбирлар тўғрисида»ги қарори қабул қилинган.

Қарорга мувофиқ, хавфлиликнинг II классига тегишли маиший пиротехника буюмларининг жисмоний ва юридик шахслар томонидан муомаласи тақиқланади. Шу билан бирга, техник ва махсус мақсаддаги пиротехника буюмлари Президент ёки ҳукумат қарорларига мувофиқ оммавий тадбирларда лицензияга эга юридик шахслар томонидан олиб кирилиши мумкин.

Қайд этилишича, пиротехника буюмларининг ноқонуний муомаласи билан шуғулланганларни аниқлаш ва жавобгарликка тортиш бўйича комплекс чоралар кўрилади.

Олдиндаги кун омадли келсин. Kommers.uz энг қайноқ янгиликларни ишончли тарзда етказишда давом этади.

Бизнесга оид янгиликлар телеграм каналимизда @kommersuz

tg
Илон Маск Twitter нархи қайта кўриб чиқилиши мумкинлигини айтди
Миллиардерлар 14:43 | 17.5.22
Илон Маск Twitter нархи қайта кўриб чиқилиши мумкинлигини айтди
Алишер Усмоновнинг собиқ топ-менежери Ўзбекистонга катта сармоя киритади
Бизнес 12:44 | 17.5.22
Алишер Усмоновнинг собиқ топ-менежери Ўзбекистонга катта сармоя киритади
Тошкентда «Makon Marketing Forum 2022» тўртинчи халқаро маркетинг бизнес-форуми бўлиб ўтади
Бизнес 12:00 | 17.5.22
Тошкентда «Makon Marketing Forum 2022» тўртинчи халқаро маркетинг бизнес-форуми бўлиб ўтади
Ўзбекистоннинг қайси ҳудудларида иқтисодий фаоллик юқори бўлди?
Иқтисодиёт 11:59 | 17.5.22
Ўзбекистоннинг қайси ҳудудларида иқтисодий фаоллик юқори бўлди?
Уоррен Баффетнинг компанияси бозорлардаги пасайиш фонида бир нечта компаниялар акцияларини сотиб олди
Миллиардерлар 10:37 | 17.5.22
Уоррен Баффетнинг компанияси бозорлардаги пасайиш фонида бир нечта компаниялар акцияларини сотиб олди
Ислом тараққиёт банки Ўзбекистонга онкология хизматини ривожлантириш учун 80 млн доллар қарз беради
Молия 9:15 | 17.5.22
Ислом тараққиёт банки Ўзбекистонга онкология хизматини ривожлантириш учун 80 млн доллар қарз беради